دبي، الإمارات العربية المتحدة (CNN)—نشرت حركة "6 أبريل" تدوينة على صفحتها الرسمية بموقع التواصل الاجتماعي، فيسبوك، تنتقد إقدام السلطات في مصر على تعزيز التأمينات في بعض الميادين والمواقع الحساسة في البلاد، وذلك في سياق الاستعدادات لذكرى 25 يناير/ كنون الثاني، الاثنين.
وقالت الحركة في تدوينتها: "اللي على راسه بطحة! الجيش كله في التحرير والدنيا أمان وعال العال يا باشا ومحدش من العيال الثوار أعداء الوطن هيقدر ينزل يهتف.. نظام كامل خايف من هتاف! واللي ماشي صح عمره ما هيخاف من مليون هتاف ولا مليون مظاهرة، بس عشان عصابة الجبناء الحاكمة عارفين إنهم ماشيين غلط طبيعي يترعبوا من يوم زي ده، وأقل كلمة حق تموتهم من الخوف."
وأضافت الحركة: "فاضل إيه مش معاك! مستني تأخد إيه تاني وتعمل إيه تاني عشان تسيطر على البلد ولا حتى تنجح في أي حاجة! كل الإمكانيات دي والتأمينات دي وبرضه فاشل! جيش المفروض يحمي الحدود من الأعداء، خلوه يتلهي عن مهمته الرئيسية وينزل يحمي صينية ميدان من ولاد البلد اخواتهم وصحابهم اللي كل همهم إنها تنضف وتبقى أحسن، وأديكوا شايفين الحدود كل يوم بيحصل فيها إيه!"
وختمت الحركة تدوينتها قائلة: "المجرمين الكبار بيحطوا الشعب في مواجهة بعضه، ويسيبوا الدنيا تولع ويقعدوا يتفرجوا عشان بس يفضلوا في كراسيهم ويحافظوا عليها ..بس وحياة نور عينيه ده ما حكم عسكر بس مهما عملتوا الوضع ده مش هيستمر كتير، نوعدكوا، إن غداً لناظره قريب."
ويشار إلى أن موقع CNN بالعربية لا يمكنه التأكد بشكل مستقل من الأنباء والمعلومات التي يتم تناقلها عبر وسائل التواصل الاجتماعي.