بالفيديو.. مرتضى منصور للسيسي: زعلان على خسارة عمرو الشوبكي بدل ما تفرح بفوز ابني؟

دبي، الإمارات العربية المتحدة (CNN) -- أثارت الانتقادات التي وجهها رئيس نادي الزمالك مرتضى منصور للرئيس المصري عبدالفتاح السيسي ضجة واسعة على تويتر، دفعت المغردين إلى إنشاء وسم حول الموضوع، تباينت التغريدات حوله بين منتقد له وآخر ساخر مما آلت إليه الأمور في مصر.

وكان منصور قد شنّ هجوماً حاداً على اللواء سامح سيف اليزل، عضو مجلس النواب بعد تدشينه كتلة برلمانية تحت اسم "ائتلاف دعم الدولة المصرية"، قائلًا: "هو احنا ضد الدولة يعني، إيه القرف ده". 

وأضاف رئيس نادي الزمالك، خلال مداخلة هاتفية على قناة العاصمة: "بيقولوا إن السيسي زعلان على عدم فوز الشوبكي علشان هو صاحبه وحبيبه.. طب ما تزعل.. هو ده الشباب يا سيسي اللي انت عايزه.. كنت فاكر ان السيسي حيبقى فرحان قوي انه شاب بعمر أحمد يكسب الشوبكي اللي سافر أمريكا."

وقد دشّن النشطاء على تويتر هاشتاج #مرتضي_بيشتم_السيسي، وفيما يلي بعض التعلقات التي جاءت ضمنه:

فقد قال @mo2menselim: "المشكلة أن الشعب بعد كل التجارب اللي خاضها وكل النخب اللي سمعها  على مدار خمس سنين شايف مسرحية مرتضى وعكاشه حقيقة."

وكتب @EssaMoustafa: "افرحى يامسر في معارضه عندنا #مرتضي_بيشتم_السيسي."

أما @IRannia فعلقت قائلة: "السيسى لو ما حاسبش مرتضى على الغلط الفادح اللى ارتكبه يبقى اكيد مرتضى ماسك عليه سيديهات احنا جايين نهدى النفوس."

وعلّق @BesaSud2 قائلا: "رئيس نادى بيشتم رئيس دوله فى الوقت اللى بيحارب فيه الارهاب وبيفكر لتنشيط السياحه والموارد لمصر عاوز يشتت فكر الرييس."

@Mo7aMeD_KH1911 قال: "رئيس مصر وكرامته خط احمر، نتمني نشوف رد فعل قوي وسريع من الرئاسه تجاه الشخص ده."

علماً أن CNN بالعربية لا يمكنها التأكد من صحة المعلومات المتناقلة عبر مواقع التواصل الاجتماعي.