بالفيديو.. السيسي يتحدث للمصريين "من قلبه": "مصر قالتلي أقلكوا أنا أمانة في رقبتكم"

دبي، الإمارات العربية المتحدة (CNN)-- قال الرئيس المصري، عبدالفتاح السيسي، إنه "أمانة في رقبة المصريين،" وذلك في خطابه أثناء الاحتفالات بذكرى ثورة 30 يونيو، الأحد، في دار الأوبرا المصرية.

وجاء في كلمة السيسي: "مش حاطوّل عليكم، بس هي فرصة إن أنا أكلمكم زي ما اتعودت أتكلم على اللي في قلبي ليكم، المصريين من ثلاث سنين وأمروا، وتم تلبية النداء، ماقدرش أقول إن الجيش لبى النداء، يبقى كدة بفصل، لكنهم مش حاجة واحدة، لأ هما حاجة واحدة، الجيش والشعب"

اقرأ.. السيسي: ثورة 30 يونيو أثبتت أن إرادة المصريين لا تُكسر.. وعمرو موسى: بداية جمهوريتنا الثالثة

وأضاف السيسي: "انهاردة وإحنا بنحتفل باليوم ده، أنا بقى محمل برسالة مش من المصريين، محمل برسالة من مصر، مصر بلدنا قالتلي لازم تبلغ الرسالة لأهل مصر، مصر بتقولكم كلكم أنا أمانة في رقبتكم.. في رقابة مين؟ كل المصريين. مصر بتقولكم إوعوا أبدا تختلفوا. مفيش سبب يدعونا للاختلاف كلنا، مصر بتقولكم إوعوا حد يضحك عليكم ويخدعكم يا مصريين ويضيع بلادكم.. مصر بتقولكم أنا كنت سبب وجودكم لـ7 آلاف سنة وبطلب منكم تخدوا بالكم منى لـ7 آلاف سنة جاية."

وتابع السيسي: "مصر بتقولكم مكانى مش كدة.. أنا برضوا حجمي كدة؟ وابقى عندكم كده؟ أنا متحوجش وانتم هنا، يعنى مانكلش.. أه مانكلش.. يعنى مانامش .. أه مانامش لحد مصر ما تاخد مكانها الحقيقى."