دبي، الإمارات العربية المتحدة (CNN)—أثارت تصريحات متروبوليت بيروت للروم الأرثوذكس، المطران الياس عودة، حول المظاهرات و"الخوف من الفراغ السياسي" تفاعلا واسعا على مواقع التواصل الاجتماعي، وصفها نشطاء بأنها ذات "سقف عال".
تحية كتير كبيرة لسيدنا المطران الياس عودة يلي عم يصرخ بصوتنا وصوت كل الناس الموجوعة، وعم يقول كلمة الحق بوج كل الفاسدين يلي نهبو لبنان ودمرو اقتصادو ولوثو كل نسيجو الاجتماعي. #لبنان_ينتفض https://t.co/Mtj8WiBsgN
وقال المطران الياس في التصريحات لاتي أدلاها لعدد من الصحفيين في رد على سؤال "ما بتخافوا من الفراغ في حال سقوط الحكومة والعهد؟"، حيث قال: "ولك بس بقا يا بنتي بس بقا، يصير في ٢٠ فراغ حاجي بقا تخوفوا هالشعب وتتضحكوا عليه ، اضرب من هالايام ما رح يجي وحتى الفراغ بذاتو افضل من هالعهد".
وأضاف عودة: "الله يوفق الشباب وإن شاء الله ما بتراجعوا لأنو أنا بعرف الطقم القديم.. شو التداعيات؟ أكثر من الحالة الي نحن فيها؟ اليوم عم بصرحوا بعض الناس افتحوا بدنا نشتغل، ليش كانوا عم يشتغلوا؟ خلي واحد يجي لعندي على المطرانية ويقلي ادي كان يشتغل بالنهار؟ هلأ عم يتفلسفوا؟ وبعدين نحن نحكم من لبنانيين، فهمتي علي.."
وفيما يلي نقدم لكم أبرز ما تداوله نشطاء على مواقع التواصل الاجتماعي في تعليق على تصريحات المطران اللبناني:
موقف عالي السقف للمتروبوليت #الياس_عودة من #بكركي : لِمَ الخوف من الفراغ أليس أفضل ممّا نعيشه اليوم من استهتار ٍبالناس، والمطلوب من اجتماعنا قرارات ٌ جريئة غير دبلوماسية تحاكي تحرّكات الشارع.
القيادات الحقيقة، أكانت دينية أم سياسية، تبرز بمواقفها الشجاعة والصريحة في الأوقات الصعبة والتي تراعي مطالب المواطن وحاجاته فوق كل اعتبار. تحية ل #المطران_إلياس_عودة على صراحته وإخلاصه لوطنه ودعمه للشعب اللبناني المنتفض. #لبنان__ينتفض https://t.co/XwxXhiYb9Q https://t.co/RNonELTLgo
معلومات من داخل اجتماع الياس عودة مع بشارة الراعي ببكركي، انو الكنيسة المارونية و الكنيسة اﻷرثوذوكسية رح يتبرعو للشعب اللبناني ب 10% من ثروتهم، و رح يطلبو من دار الفتوى تعمل نفس الشي، و بذلك يمكننا تغطية 87% من الدين العام. ?????