بالفيديو.. السيسي باكيا وضاحكا: "والله أنا لو أنفع أتباع لأتباع".. "اسمعوا كلامي أنا بس".. "انتوا مين.. ها"

بالفيديو.. السيسي: والله أنا لو أنفع أتباع لأتباع

مصر
آخر تحديث الأربعاء, 24 فبراير/شباط 2016; 07:21 (GMT +0400).
بالفيديو.. السيسي باكيا وضاحكا: "والله أنا لو أنفع أتباع لأتباع".. "اسمعوا كلامي أنا بس".. "انتوا مين.. ها"

دبي، الإمارات العربية المتحدة (CNN) -- شهد الرئيس المصري عبدالفتاح السيسي، الأربعاء، فعاليات إطلاق استراتيجية مصر للتنمية المستدامة بعنوان "رؤية مصر 2030"، وذلك من مقر مسرح الجلاء التابع للقوات المسلحة.

وألقى السيسي، خطابا مطولا، تخلله ضحك وبكاء وانفعال، وناقش فيه العديد من القضايا المطروحة على الساحة المصرية وأقر للمرة الأولى بأن الطائرة الروسية تم إسقاطها في سيناء، وأكد أن الدولة المصرية تعرضت خلال الفترة الماضية وما زالت تتعرض لمحاولات لإسقاطها، مضيفا أنه يتم الآن محاولات للعبث بوحدة المصريين.

وقال السيسي: "أنا عارف مصر زي ما أنا شايفكم قدامي كده وعارف علاجها.. وأنا بوجه حديثي لكل من يسمعني في مصر.. لو سمحتم متسمعوش كلام حد غيري.. أنا بتكلم بمنتهى الجدية... أنا مش راجل بكذب ولا بلف وادور ولا ليه مصلحة غير بلدي ومش بس ليه مصلحها غيرها.. وفاهم أنا بقول أيه"، وكان السيسي وجه حديثه للمصريين خلال كلمة طارق عامر محافظ البنك المركزي، قائلا: "بتحبوا مصر صحيح.. اسمعوا كلامي أنا بس.. بس".

وأكد السيسي أنه لن يسمح بتمزيق مصر، قائلا: "خلي بالكوا أنا مش هسمح بكده محدش يفكر إن طولة بالي وخلقي الحسن معناه إن البلد دي تقع.. قسما بالله اللي هيقربلها لأشيله من فوق وش الأرض.. أنا بقول لكل مصري بيسمعني انتوا فاكرين الحكاية ايه.. انتوا مين انتوا مين.. ها".

وأضاف: "أنا مسؤول أمام الله عن 90 مليون وسأقف أمام ربي يوم القيامة أقوله أنا خليت بالي منهم.. عايزين تخلوا بالكم منهم معايا أهلا وسهلا مش عايزين لو سمحتو اسكتوا.. أنا بتكلم كده عشان مصر برقبتنا كلنا وانا لما بقول كده لا اشكك في احد.. بس خلوا بالكم أنا باتكلم مع كل المصريين بكل ظروفهم.. أنت بتفقدهم معنوياتهم ليه".

وأكد السيسي أنه سيواصل العمل من أجل مصر، قائلا "انتو فاكرين إنى هسبها .. أنا هفضل ابنى فيها واعمر فيها لغاية لما تنتهى حياتى يا إما مدتى"، وأضاف: " وقادر بفضل الله سبحانه وتعالى أعمل 100 منطقة صناعية فى خلال سنة ونصف، واقدر اعمل مليون شقة فى سنة واثنين، اقدر اعمل كده لاولادى، انتوا فاكرين نفسكوا ضعاف ولا ايه؟، مصر، دى دولة كبيرة تقدر تعمل كل حاجة".

ودعا السيسي إلى التبرع من أجل مصر، قائلا وهو يحاول كبح دموعه: "هقول تعبير صعب جدا.. جدا.. والله العظيم أنا لو أنفع أتباع لأتباع"، وأضاف أن صندوق تحيا مصر إجمالي المبلغ فيه 4.7 مليار جنيه، منها مليار جنيه من الجيش". وتابع: "لو كل واحد صبح على مصر بجنيه من الموبايل كل يوم هنجمع 4 مليارات في السنة".

وقال السيسي إن من أسقط الطائرة الروسية في سيناء كان يهدف إلى ضرب علاقات مصر مع روسيا وليس قطاع السياحة بها فقط، في أول اعتراف مصري رسمي بأن الطائرة أسقطت ولم تسقط نتيجة حادث أو عطل فني. وأضاف: "اللي وقع لنا الطيارة يقصد إيه؟ بس إنه يضرب السياحة؟ لا.. ويضرب العلاقات مع روسيا. لو قدر يضرب العلاقات مع الدنيا كلها هيضربها عشان نبقى معزولين لوحدينا".

ترحب شبكة CNN بالنقاش الحيوي والمفيد، وكي لا نضطر في موقع CNN بالعربية إلى مراجعة التعليقات قبل نشرها. ننصحك بمراجعة إرشادات الاستخدام للتعرف إليها جيداً. وللعلم فان جميع مشاركاتك يمكن استخدامها، مع اسمك وصورتك، استنادا إلى سياسة الخصوصية بما يتوافق مع شروط استخدام الموقع.

الآراء الواردة أدناه لا تعبر عن رأي موقع CNN بالعربية، بل تعكس وجهات نظر أصحابها فقط.

{"author":"moataz","branding_ad":"MiddleEast_Branding","branding_partner":"","broadcast_franchise":"","friendly_name":"بالفيديو.. السيسي باكيا وضاحكا: والله أنا لو أنفع أتباع لأتباع.. اسمعوا كلامي أنا بس.. انتوا مين.. ها ","full_gallery":"FALSE","gallery_name":"","gallery_slide":"","publish_date":"2016/02/24","rs_flag":"prod","search_results_count":"","search_term":"","section":["middle_east"],"template_type":"adbp:content","topic":"","video_collection":"","video_hpt":"","video_opportunity":"0","video_player_type":""}