دبي، الإمارات العربية المتحدة (CNN)-- وجه الرئيس المصري عبدالفتاح السيسي، الخميس، كلمة للشعب المصري، بمناسبة الاحتفال بإعطاء إشارة البدء لحصاد القمح بمشروع المليون ونصف المليون فدان بمنطقة سهل الغاب بالفرافرة في الوادي الجديد، مؤكدا أنه لا يخاف.
وقال السيسي: "كلمتي معكم اليوم ستكون مختلفة عن الكلمات السابقة، وأنا في إسكندرية من بضعة أيام كنت ماشي على الكورنيش بدون ترتيب لقيت أتوبيس للنقل العام فلقيت الناس الذين كانوا فيه وقفوا وبعدين بدأوا يحيوني وبعد ذلك قالوا لي كلمة غريبة أوى لقيت حد فيهم بيقولي: متخفش إحنا معاك".
وأضاف: "وأنا معرفتش أرد عليهم لأنه لم يكن هناك فرصة، ولكن سأرد عليهم من هنا ولكل المصريين شوفوا اللي يقف يوم 3 يوليو ما بيخفش خالص انتوا مش وخدين بالكم، وأخص هنا قوى الشر كلها اللي يقف في نوفمبر 2013 يدعو إلى الحوار مع النظام في هذا الوقت ما بيخفش اللي يقف في الكلية الحربية في يناير يقول إن مصر تدخل في نفق مظلم نتيجة هذه السياسات ما بيخفش اللي يقف يقول بأعطي مهلة 7 أيام لإنهاء الأزمة ما بيخفش اللي يعطي 48 ساعة أخرى ما بيخفش".
وتابع: "وأنا بقول هذا الكلام عشان أطمنهم هما الأول أطمن كل مصري يمكن يكون من كتر زحمة الأحداث حدث له قلق، أنا أخذت ألفين قرار خلال السنتين ونصف الماضية، واللي يأخذ القرار مايخفش"، مؤكدا: "أنا حبيت أطمن الناس البسطاء جدًا وأطمنهم على مصر، إحنا مكناش بنتكلم قبل كده عن اللي إحنا بنعمله في بلادنا، واسمحولي إني أتكلم عليه بتفصيل مؤقت، لأني ناوي بإذن الله في شهر يونيو يكون لنا لقاء مع كل المصريين بكشف حساب بكل اللي تم تنفيذه خلال السنتين الماضيتين"، ووجه حديثه للمصريين قائلا: "ما تخافوش".
وأكد السيسي مجددا: "أنا مابخافش، لو خفت مكنش حاجة من اللي تكلمت عليها اتعملت لا دلوقتي ولا بعد 10 سنوات، كل جنيه فيه كنت بموت معاه عشان يوضع في المكان السليم خلال العامين الماضيين"، مضيفا أن تكلفة المشروعات القومية خلال الفترة الماضية تجاوزت تريليون جنيه.
واعتبر السيسي أن "مصر يجب أن تكون دولة حقيقية"، وقال: "إحنا مش في دولة حقيقية.. دي أشباه دولة مش دولة حقيقية.. إحنا بنتكلم عن دولة قانون ومؤسسات.. دولة تحترم نفسها والعالم يحترمها، واوعوا تفتكروا إن الكلام ده هيتعمل والناس هتسيبنا.. لأ الناس مش هتسيبنا وكل ما تنجحوا أكثر كل ما أهل الشر هيدوروا على مكائد أكثر.. خلوا بالكم".